Brahimaj viziton kullën e Jasharajve: Kujtimet e një kombi janë të gdhendura në vendet e shenjta

Gjenerali i Ushtrisë Çlirimtare të Kosovës (UÇK), Lahi Brahimaj, gjatë ditës së shtunë ka vizituar së bashku me vajzën e tij, Azën, kullën e familjes Jashari.

Brahimaj përmes një postimi në rrjetin social Facebook ka thënë së kujtimet e një kombi janë të gdhendura në vendet e shenjta dhe në fytyrat e atyre që i trashëgojnë ato.

Ai ka treguar se gjatë vizitës në kullë është pritur nga djemtë dhe mbesat e heronjëve Hamit dhe Sala Jashari.

“Bashkë me vajzën time të vogël Azen, kishim nderin të vizitojmë kullën e familjes Jashari, ku na pritën me bujari djemtë dhe mbesat e heronjve Hamit dhe Sala Jashari. Ishte një moment prekës të shihja Salen dhe Azen e re bashkë, si një kujtesë e gjallë e sakrificës dhe trashëgimisë sonë”, ka shkruar ai.