Djali i bosit të drogës meksikane, Joaquin El Chapo Guzman është deklaruar i pafajshëm për akuzat për trafikim droge dhe pastrim parash në SHBA.
Olividio Guzman, u ekstradua nga Meksisa në Shtetet e Bashkuara të premten.
Mbi të rëndojnë pesë akuza, duke përfshirë atë për komplotin për të importuar fentanil në SHBA.
Ai në seancën e shkurtër gjyqësore foli përmes një përkthyesi.
Seanca e radhës në rastin e tij është caktuar për në nëntor, raporton BBC, transmeton Klankosova.tv
Kur Guzman u arrestua në janar, kishte një përplasje të përgjakshme midis forcave të sigurisë dhe anëtarëve të kartelit, ku u vranë 30 persona.
Fentanil, një opioid sintetik që është 50 herë më i fuqishëm se heroina, tani është shkaku kryesor i vdekjes për amerikanët e moshës 18 deri në 49 vjeç, sipas të dhënave të analizuara nga Washington Post.
Ndërsa ndonjëherë rekomandohet nga mjekët për të trajtuar dhimbjet ekstreme, fentanili i prodhuar ilegalisht ka vërshuar në ShBA dhe ka nxitur një tregti vdekjeprurëse të opioidit.
Që nga arrestimi i El Chapos, Guzman në 2016, katër nga djemtë e tij – të njohur si Los Chapitos (Çapos i Vogël) – dyshohet se morën role kryesore në kartel.
Ndërsa sipas shefit të DEA-së, këta djem ishin pionierët e prodhimit dhe trafikimit të drogës më vdekjeprurëse me të cilën është përballur vendi.
Kurse në maj, ata mohuan se kanë prodhuar apo tregtuar fentalin ose ndonjë lloj të tij.
Ndërsa gruaja e El Chapos, Emma Coronel, u lirua nga burgu javën e kaluar, ajo ishte dënuar me 3 vite burgim për trafikim droge dhe shpërlarje parash.
El Chapo është duke vuajtur dënimin me burgim të përjetshëm.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
