Në një postim në profilin e tij në Facebook, Pacolli është shprehur i lumtur për këtë takim, duke theksuar se për të “interesat e vendit janë gjithmonë para atyre politike”.
Në kuadër të vizitës së saj në ShBA, presidentja e Kosovës Vjosa Osmani, ka zhvilluar takim edhe me presidentin e Kenias, William Ruto.
Në mars të ketij viti Kenia kishte njohur pasaportat e Kosovës.
“Në këtë takim, Presidentja Osmani e ka falënderuar homologun Ruto pas vendimit të Kenias për njohjen e pasaportave të Republikës së Kosovës dhe në të njëjtën kohë ka shtruar nevojën e thellimit të marrëdhënieve diplomatike në të mirë të qytetarëve dhe shteteve”, njofton presidenca.
Ndër të tjera u diskutua edhe për mundësinë e bashkëpunimit ekonomik ndërmjet Kosovës dhe Kenias, si dhe nxitjen e shkëmbimeve tregtare dhe ekonomike, dha detaje nga ky takim zyra e presidentes.
