Për herë të parë në Kosovë realizohet ndërhyrja kirurgjikale minimal invazive PCNL për trajtimin e gurëve të mëdhenj në veshka
Lajme

Për herë të parë në Kosovë realizohet ndërhyrja kirurgjikale minimal invazive PCNL për trajtimin e gurëve të mëdhenj në veshka

Posted on by Bota e Lajmeve

Qendra Klinike Universitare e Kosovës (QKUK) ka shënuar një avancim të rëndësishëm në fushën e urologjisë, duke realizuar për herë të parë në Kosovë intervenimin kirurgjik minimal invaziv Nephrolitotomia Perkutane (PCNL – Percutaneous Nephrolithotomy) për trajtimin e gurëve të mëdhenj në veshka.

Sipas një postimi në rrjetin social në Facebook bëhet e ditur se deri më tani, pacientët me këtë patologji kanë qenë të detyruar të kërkojnë trajtim jashtë institucioneve publike shëndetësore.

“Fillimi i aplikimit të kësaj procedure në QKUK përbën një hap të rëndësishëm në avancimin e shërbimeve urologjike dhe në ofrimin e trajtimeve moderne brenda sistemit publik shëndetësor në Kosovë”, thuhet në njoftim.