Themelues i saj është Adriatik Lapaj, një zë i fortë i shoqërisë civile përgjatë viteve të fundit.
Aktivisti Adriatik Lapaj ka prezantuar lëvizjen e tij politike të lajmëruar prej kohësh, e cila zyrtarisht mësohet se quhet “Shqipëria Bëhet”.
Për Lapajn, duhet të hapet gara politike dhe të miratohet ligji për referendumet.
“Duhet të hapim garën politike. Nëse s’ka garë politike, s’mund të ketë asnjë garë tjetër në vend. Populli sot është dekor i një republike që komandohet nga kolltukët e Tiranës. Duhet të miratojmë ligjin për referendumet dhe të sjellim demokracinë e drejtpërdrejtë. Nuk ka rrugë tjetër përveç bashkimit”- tha Lapaj.
Ligji është çelësi i funksionimit të shtetit, nëse ai i përgjigjet drejt shoqërisë dhe i trajton njerëzit pa ndarje.
Tezat e Lapajt janë shfaqur vitet e fundit në sheshet ku është plotësuar nga shoqëria civile dhe në mediat vendase, dhe janë përkrahur nga publiku.
