Modelja e njohur shqiptare, Juliana Nura, i është futur garës së kërcimit, “Dancing With The Stars”.
Ajo është zhvendosur për pak kohë në Tiranë, ku do të kërcejë në krah të balerinit Dion Gjinika, me shpresën për t’i shkuar sa më gjatë kësaj gare.
E pyetur nga moderatorët, ajo i ka bërë një prezantim të përgjithshëm vetës së saj dhe të arriturave deri më tani.
“Unë e kam përfunduar Mjekësinë e Përgjithshme. Kam punuar edhe si doktoreshë në Finlandë, kam punuar edhe në investime bankare, në banka të ndryshme nëpër. Pastaj kam shkuar te biznesi i fitnesit”, tha Xhuli në Top Albanian Radio.
Bukuroshja theksoi se fama e saj u rrit veçanërisht pas pjesëmarrjes së saj vitin e kaluar në spektaklin e shumë shikuar, Big Brother VIP Kosova, ku arriti deri në finale.
