17-vjeçari shqiptar tund rrjetën në Australi

Për ata që nuk e njohin, Medin Memeti është një djalosh me origjinë shqiptare që luan në kampionatin e Australisë.

Sulmuesi 17-vjeçar luan për skuadrën e Melbournit që arriti të fitojë sot me shifrat 1-0 ndaj Central Coast Mariners.

Goli i vetëm i këtij takimi u realizua nga Memeti në pjesën e parë të sfidës.

Djaloshi shqiptar u gjend brenda zonës së rreptësisë dhe arriti të dërgojë topin drejt rrjetës.

Ajo çfarë bëri bujë ishte festimi i djaloshit me shqiponjën dykrenare pasi realizoi golin e tij. Memeti ka luajtur 4 ndeshje me Australinë e moshave U-19, por rikujtojmë se mund të zgjedhë të luajë edhe për Kombëtaren shqiptare.