Për më shumë se dy orë intervistim, ministrja e Drejtësisë, Albulena Haxhiu ka dalë nga objekti i Policisë së Kosovës ku është intervistuar nga Prokuroria Speciale e Kosovës lidhur me deklarimet e saj për arratisjet e fundit nga burgjet e Kosovës, raporton EO.
Ministrja Haxhiu ka thënë se intervistimi i tij është tendencioz dhe se dikujt sipas saj po i pengon puna e Qeverisë.
“Siç e dini me urdhër të PSRK, dje dhe sot jam intervistuar në një rast që ka të bëjë me një deklaratë timen që nuk e kam thënë për herë të parë, që ndërlidhet me përpjekjen e prokurorëve dhe gjyqtarëve për takime, për favore etj, etj. me ç’rast ne si Qeveri nuk funksionojmë si në të kaluarën por që ne e kemi obligim t’i adresojmë reformat në drejtësi për të cilat ju tashmë e dini se po punojmë në vazhdimësi dhe duket se dikujt po i pengon dhe siç duket Prokuroria Speciale po tenton të më pengojë në punën time me ç’rast e keni parë që çdo deklaratë që unë e kam dhënë, ata menjëherë kanë autorizim policinë për ta marrë deklaratën time”, u shpreh Haxhiu, teksa tregoi edhe për rastin e dytë rreth dekoratës së saj për arratisjet e fundit nga burgjet e Kosovës, të cilat sipas saj janë lehtësuar dhe organizuar nga Serbia.
Të tjera
“Furia” e tifozëve të Kosovës po i tremb vendasit, frikë se stadiumi do të pushtohet nga shqiptarët
Sorensen nesër vjen në Kosovë, do të pritet në takim nga Kurti
Protesta e serbëve, MPJD këshillon të shfrytëzohen rrugët alternative