Vendimi i qeverisë për mallrat serbe, ironizon Besian Mustafa: “Shef u dorëzova”, “Hekuran rriti pensionet”

Deputeti i LDK-së Besian Mustafa ka bërë një ndërlidhje rreth vendimin për ndryshimin e masave për mallra serbe në pikën e Merdares dhe konferencës që mbajti kryeministri i Kosovës Albin Kurti bashkë me Ministrin e Financave Hekuran Muratin.

Mustafa ka ironizuar duke improvizuar një dialog imagjinar ndërmjet Ministrit të Punëve të Brendshme Xhelal Sveçla dhe kryeministrit Kurti, me anë të së cilit thotë se vendimi për rritjen e pensioneve është veç një tentativë për të mjegulluar mendjen e qytetarëve.

Statusi i plotë i Mustafës:

Sveçla “shef u dorëzova, ua qela kufinin mallrave të Serbisë!”

Albini “Hekuran, gjuje do mjegull qaty, rriti pensionet, ja shtesat për fmi, ja… bon diçka, bone mjegull qy!!!”