Zyrtari i Lidhjes Demokratike (LDK), Visar Azemi, ka reaguar pas bisedës që është publikuar sot mes shefes së GP-së së VV-së, Mimoza Kusari-Lila dhe kriminelit serb, Milan Radojiçiqit.
“U dëshmua edhe një herë koordinimi i fshehtë i VV-së me Listën Serbe. Ata që dikur në opozitë e akuzonin këtë parti si formacion çetnik, në pushtet e shndërruan në bashkëpunëtoren më të ngushtë. Hipokrizi dhe mashtrim”, shkroi Azemi.
Ai thotë se për disa vota Qeveria ‘Kurti’ bëri pakt edhe me ‘djallin’.
“Premtuan transparencë e integritet, dhe sot shohim një pushtet që koordinohet në mënyrë të dyshimtë skutave dhe që i nënshtrohet një krimineli. Nuk iu mbeti asnjë premtim pa u thyer. Për pak vota, bënë pakt edhe me djallin”, tha Azemi.
Të tjera
Gjërat që nuk duhet t’i thoni në punë
Si ta ulni temperaturën pa përdorur ilaçe
Kaq ujë duhet të pini nëse dëshironi të dobësoheni