Kryeministri i Shqipërisë Edi Rama në deklaratën e përbashkët me presidentin turk, Recep Tayyip Erdogan, ka deklaruar se Turqia ka qenë e para që ka njohur Pavarësinë e Kosovës.
“Republika e Turqisë, kur Presidenti Erdogan ishte kryeministër e ka njohur Kosovën e para. Por nuk ka qenë një njohje e Kosovës e para, thjesht zyrtare dhe diplomatike, ka qenë një njohje e Republikës së Kosovës në kohë reale, në sinkron me punimet e parlamentit të Kosovës dhe në momentin kur në televizor përpara të cilit ishte mbledhur e gjithë qeveria me atë herë Kryeministrin dhe sot Presidentin, deputetët e Kosovës kanë ngritur dorën për të miratuar Pavarësinë, qeveria e Republikës së Turqisë ka njohur Kosovën”, tha Rama.
“Ne ndajmë shqetësimin që situata mes dy shteteve, duhet të përmirësohet dhe se dialogu duhet të prevalojë”, tha Rama duke iu referuar Kosovës dhe Serbisë.
Të tjera
Hapet sot pika grumbulluese për pemët e imëta në Gjilan
Këto janë vendet që e kanë njohur shtetësinë e Palestinës
Sali Berisha uron Dimal Bashën për zgjedhjen si kryetar i Kuvendit