Deputeti i Partisë Demokratike, Flamur Noka, u përjashtua nga seanca, sipas kryetares së Kuvendit, Lindita Nikolla, për shkak të fjalorit të pahijshëm që përdori në seancë.
“Po më kërcënon? Po kërcënon kryetaren e Kuvendit? Turp të të vijë, je dhe burrë malësor”, iu drejtua Nikolla-Nokës, teksa ky i fundit dhe deputetë të tjerë të opozitës kishin bllokuar foltoren e Kuvendit.
Sherri nisi që nisje të seancës, pasi deputetët e opozitës kërkuan mocion me debat me Kryeministrin Edi Rama, si dhe regjistrimin e Sali Berishës si deputet i grupit parlamentar të Partisë Demokratike. Nikolla i hodhi poshtë pretendimet e opozitës, çka solli edhe reagimin e tyre.
Për shkak të protestave të deputetëve seanca u ndërpre për herë të dytë, për të rifilluar disa minuta më vonë.
Të tjera
Vendi më i mirë për të ruajtur ilaçet në shtëpi
Shtatë mënyra si të fitoni respektin tek fëmijët tuaj problematikë
Meshkujt që nuk mund t’i bëjnë 10 pompa janë më të rrezikuar nga sëmundjet e zemrës