Ministri i Mbrojtjes, Pirro Vengu përmes një njoftimi në rrjetin social Facebook bën me dije se toga e Regjimentit të Këmbësorisë së Jugut të Kontingjentit të IV “FLF BGR” të ushtrisë shqiptare ndodhet në Bullgari.
Ai tha se trupat shqiptare kanë përmbyllur me sukses muajin e katërt të misionit në stërvitjen “FLASH”.
“Gjatë dislokimit në Camp Novo Selo, treguan aftësi të shkëlqyera në skenarë luftimi”, shkruan Vengu përkrah videos së publikuar që tregon momente gjatë stërvitjes.
Më tej, ministri i Mbrojtjes nënvizon se në bashkëpunim me forcat aleate të NATO-s, efektivët tanë shfaqën profesionalizëm dhe përgatitje të lartë, duke dëshmuar angazhimin e Shqipërisë për forcimin e sigurisë dhe stabilitetit në rajon.
Të tjera
A duhet të takoheni me ish-partnerin?
Bashkëpunim për avancimin e projektit evropian në Shqipëri e Kosovë
Manifestimet për Epopenë i përmbyllëm në Prekaz – vendin ku historia mori drejtimin e saj