Rexhaj merret me LDK-në: I bie që Lumiri do ta ulë fillimisht buxhetin për mbrojtje

Arbër Rexhaj, deputet i VV-së, ka shkruar në lidhje me një premtim të LDK-së, të cilin e ka publikuar në faqen e tij në Facebook.

Sipas Rexhajt, LDK-ja është duke premtuar shpenzimin për 2 për qind të GDP-së për mbrojtje, një kriter që duhet ta plotësojnë anëtarët e NATO-s.

Rexhaj ka shkruar se “që dy vjet Kosova shpenzon 2 për qind të GDP-së për mbrotje”.

“Qe dy vjet Kosova shpenzon 2% të GDP-së për mbrojtje. Aq parashihet edhe në buxhetin e vitin 2025. Ndërkohë LDK me rrugën e re premton që në vitin e tretë të qeverisjes së saj buxheti për mbrojtje do të jetë 2%. Pra, sipas kësaj po i bie që Lumiri fillimisht do ta ulë buxhetin për mbrojtje për ta rritë atë tek pas 3 vjetëve, vetëm e vetëm që të barazohet me Qeverinë Kurti” – ka shkruar Rexhaj.