Historiku i dëbimit të shqiptarëve drejt Bllacës e Kukësit

Sot shënohet 26 -vjetori i eksodit të shqiptarëve të Kosovës, kur gjatë luftës në 1998-1999, ata janë detyruar nga forcat serbe të shpërnguleshin në Maqedoni e Kukës.

Kampi i Bllacës u ngrit në zonën kufitare mes Kosovës dhe Maqedonisë, afër pikës kufitare të Hanit të Elezit.

Filloi të funksionojë në fund të marsit dhe në fillim të prillit 1999.

Maqedonia fillimisht hezitoi të pranonte refugjatët dhe i mbajti mijëra prej tyre në tokë neutrale, duke krijuar një situatë të rëndë humanitare.

Ndërsa më 27 mars, në pikëkalimin doganor të Morinës hynë 187 refugjatët e parë nga Kosova, ku shumica ishin fëmijë dhe gra, të cilët ishin në gjendje te mjerueshme fizike dhe mendore e të plagosur.