Aktuale, Lajme

Mosvotimi i raportit, Abrashi i LVV-së: Situatë e paprecedentë dhe e mjegullt

Posted on by botaelajmeve

Deputeti i Lëvizjes Vetëvendosje, Artan Abrashi, njëherësh kryesues i Komisionit të përkohshëm për verifikimin e mandateve tha se situata me mosvotimin e raportit është e paprecedentë.

Ai në një deklaratë për media tha se ky Komision si rezultat “i qëndrimeve të opozitës ka shkaktuar një situatë të mjegullt e që mund të karakterizohet edhe si krizë”.

“Pra, përmes arsyetimeve të paqena është penguar votimi i raportit të Komisionit Qendror të Zgjedhjeve, pra verifikimi i mandatave të secilit subjekt politik… Pra, kjo nuk ka ndodh asnjëherë më herët, jemi në një terren krejt tjetër, të panjohur dhe si do të vazhdohet tash e tutje mbetet e mjegullt…”, tha ai.

Siç tha tutje Abrashi qëndrimi i tri partive PDK, LDK e AAK për të mos votuar raportin me pretendimin se është shkel Ligji për Qeverinë është i pabazë, pasi sipas tij, në Komisionin e përkohshëm për verifikimin e mandateve kanë dorëzuar një kopje të letrës së dorëheqjes.