“Kosova ka miq kudo,” u shpreh Isak Neziri pas një takimi të veçantë me Clemens Baumgärtner, kandidatin e CSU-së për Kryetar të Mynihut në zgjedhjet e ardhshme lokale në Gjermani. Baumgärtner, ish-Ministër i Ekonomisë dhe shef i Oktoberfest për pesë vitet e fundit, priti Nezirin ku ishte i pranishëm edhe kolegu nga CSU, Deli Balidemaj, përfaqësues në Këshillin e Qytetit të Mynihut.
Gjatë takimit u diskutua për mundësitë e bashkëpunimit ekonomik mes Gjermanisë dhe Kosovës, me fokus të veçantë në fuqizimin e rolit të diasporës shqiptare në këtë qytet të rëndësishëm gjerman.
Isak Neziri vlerësoi angazhimin e Baumgärtner për të ruajtur dhe thelluar lidhjet me komunitetin shqiptar, ndërsa Deli Balidemaj theksoi rëndësinë e përfaqësimit aktiv të diasporës në vendimmarrjet lokale.
Ky takim përfaqëson një tjetër hap në ndërtimin e urave të bashkëpunimit mes institucioneve gjermane dhe Kosovës, duke i dhënë zë interesave të shqiptarëve që jetojnë dhe kontribuojnë në Gjermani.
Të tjera
Si e rrit inteligjenca artificiale rrezikun e propagandës ruse në prag të zgjedhjeve në Kosovë
KQZ-ja del me njoftim të ri për procesin zgjedhor në përfaqësi diplomatike
Peci: Kosova në katër vitet e fundit ka harxhuar më shumë për rrymë sesa për buxhet ushtarak