Presidentja e vendit, Vjosa Osmani, ka takuar në Tiranë kryeministrin e ri belg, Bart De Wever.
Osmani tha se me De Wever folën për forcimin e marrëdhënieve dypalëshe, teksa tha se Kosova mbetet e përkushtuar për thellimin e partneritetit me Belgjikën.
“Bashkë, diskutuam për forcimin e marrëdhënieve dypalëshe mes dy shteteve tona, mbështetjen e vazhdueshme të Belgjikës për integrimin euroatlantik të Kosovës, situatën e sigurisë në rajon, si dhe nevojën për heqjen e masave të padrejta kundër qytetarëve tanë”, shkroi Osmani, transmeton KosovaPost.
Në Samitin e Komunitetit Politik Evropian që u mbajt sot në Tiranë, Kosova u përfaqësua nga e para e shtetit, Vjosa Osmani.
Të tjera
Rubio takim me Netanyahun pas sulmit izraelit në Katar
Trump: Urrejtja mes Putinit dhe Zelensky-t po zgjat luftën
ShBA, gjithmonë mike e popullit të Kosovës – do të vlerësojmë veprimet e Qeverisë në detyrë