Fëmijët e Gazës ‘më të fortë se të rriturit, por nuk mund të luftojnë urinë’

Fëmijët në Gaza kanë treguar forcë të madhe përballë tmerrit të luftës, por dhimbja që po përjetojnë, sidomos nga uria, është bërë e padurueshme. Kështu shprehet Afeef Nessouli, një vullnetar me organizatën mjekësore Glia International, i cili shpesh viziton jetimoret në Rripin e Gazës.

“Ata po vuajnë në një mënyrë që nuk e kuptojnë dhe ndoshta as që u është shpjeguar ndonjëherë pse po jetojnë në një mënyrë kaq të padrejtë,” tha ai për Al Jazeera.