Sport

Marquinhos me emocione për triumfin në Ligën e Kampionëve, përmend Mbappen dhe legjendat tjera të PSG-së

Posted on by botaelajmeve

Pas humbjes në finalen e Ligës së Kampionëve në vitin 2020, Marquinhos më në fund e përjetoi gëzimin e madh me Paris Saint-Germain, duke ngritur trofeun e parë të trofeut më të vlefshëm evropian në historinë e klubit.

PSG mposhti Interin me rezultatin e thellë 5-0 në Allianz Arena, duke vendosur një rekord si skuadra e parë që fiton finalen me një diferencë prej pesë golash.

Ky triumf u kurorëzua me një sezon të jashtëzakonshëm për PSG-në, që fitoi gjithashtu Ligue 1 dhe Coupe de France, duke u bërë skuadra e parë franceze që arrin tripletën dhe e nënta në historinë e futbollit evropian.

Marquinhos, i cili ishte pjesë e ekipit që humbi finalen ndaj Bayern Munich pesë vite më parë, shpërtheu në emocion pas ndeshjes.

“Familja ime ishte me mua dhe përjetoi këtë moment. Askush nuk besonte se mund të shkonim kaq larg kur filluam sezonin. Tani ky titull është me ne, dhe e sjellim në shtëpi”, tha Marquinhos.

Krejt në fund mbrojtësi brazilian foli edhe për Kylian Mbappen me francezin që u largua një vit më parë në drejtim të Real Madridit.

“Mbappe e meritonte. Është fati. Nuk e dimë se si do të shkojë jeta jonë. Kylian është një lojtar i shkëlqyer që meriton shumë. Ai ka kaluar shumë kohë me ne këtu”.