Gjatë një deklarate të martën, ajo tha se rruga evropiane e Kosovës nuk kalon përmes “veprimeve të njëanshme”, por përmes dialogut të ndërmjetësuar nga BE-ja.
Kjo deklaratë vjen në një kohë tensionesh të shtuara në raportet mes Kosovës dhe Serbisë, si dhe në mesazheve të përsëritura të BE-së për zbatimin e marrëveshjeve të arritura në Bruksel dhe Ohër.
Bashkimi Evropian ka bërë të qartë se përmbushja e obligimeve nga të dyja palët është kusht për integrimin evropian dhe përfitimet që vijnë me të.
Dialogu, kriter matës i përafrimit edhe të Kosovës edhe të Serbisë me BE-në
Njohësi i politikës, Avni Arifi në një përgjigje për “Bota sot”, thotë se deklarimet e fundit të BE-së janë ripërsëritje e asaj që shkruhet në marrëveshjet e Brukselit dhe Ohrit.
Sipas tij, dialogu mbetet kriter kyç për integrimin e Kosovës dhe Serbisë, ndërsa hapat e ardhshëm varen nga krijimi i institucioneve të reja.
“Kos kurrgjë të re nuk ka thënë, vetëm se ka përsëritur ato që janë të shkruara në marrëveshjen e Brukselit dhe të Ohrit.
BE-ja ka qenë konsistente deri më tani se dialogu është kriteri matës i përafrimit edhe të Kosovës edhe të Serbisë me BE-në.
Sadiku: Kosova, për t’u anëtarësuar në Bashkimin Evropian, duhet të plotësojë kriteret e Kopenhagës dhe Madridit
Kurse, Arbnor Sadiku, analist, deklaron se Kosova duhet të plotësojë kriteret e Kopenhagës dhe Madridit për anëtarësim në BE, përfshirë raportet e mira me fqinjët.
Ai potencon se pas rastit të Qipros, BE-ja është zotuar të mos pranojë vende me konflikte të hapura. Kjo vlen edhe për Kosovën edhe për Serbinë.
BE-ja, pas rastit të Qipros greke, është zotuar që të mos pranojë asnjë vend me probleme fqinjësore në BE. Fillimisht duhet të zgjidhen ato, e pastaj të synohet BE-ja.
Kjo rregull vlen edhe për Kosovën edhe për Serbinë” – përmbyll ai.
Vlen të përmendet se, bisedimet ndërmjet Kosovës dhe Serbisë nisën në vitin 2011 në Bruksel, nën ndërmjetësimin e Bashkimit Evropian.
Ky dialog u quajt “dialog teknik” dhe kishte për qëllim adresimin e çështjeve praktike mes dy vendeve, me qëllim lehtësimin e jetës së qytetarëve dhe përmirësimin e bashkëpunimit rajonal
Të tjera
Osmani mbështet ndërtimin e urave mbi Ibër
Albulena Haxhiu është shembull për punën e saj si ministre e Drejtësisë, thotë Donika Gërvalla
Këto truke do ta ndihmojnë fëmijën tuaj t’ju tregojë gjithçka rreth ditës së tij në shkollë