Presidenti i Shqipërisë, Bajram Begaj ka uruar festën e Kurban Bajramit.
Përmes një postimi në Facebook, Begaj thotë se Kurban Bajrami është festa e ngadhënjimit të sakrificës së sinqertë dhe besimit në Zot, transmeton KosovaPost.
“Kurban Bajrami është dita në të cilën besimtarët myslimanë afrohen më pranë Zotit, është festa e ngadhënjimit të sakrificës së sinqertë dhe besimit në Zot. Kurban Bajrami është dëshmi e pashtershme sesi sakrifica, durimi dhe dashuria i japin njerëzve paqen e tyre të brendshme dhe mposhtin egoizmin, urrejtjen dhe pangopësinë”.
“Uroj nga zemra të gjithë besimtarët myslimanë dhe të gjithë shqiptarët për më shumë mirësi dhe gëzime në familjet e tyre! Gëzuar Kurban Bajramin dhe qofshi në mbrojtjen e Zotit!”, ka shkruar Begaj në Facebook.
Të tjera
Emocionuese- Djali i Agim Ramadani kujton babanë në ditëlindje: Faleminderit për emrin dhe nderin
Ak*sident tragjik në Durrës, hu*mbin jetën dy të mitur
Rëndësia e një diete të shëndetshme dhe të ekuilibruar