Zgjedhjet lokale, KQZ cakton afatet

Komisioni Qendror i Zgjedhjeve ka vendosur për afatet e të gjitha aktiviteteve zgjedhore dhe që i takojnë Zgjedhjeve Lokale të cilat do të mbahen më 12 tetor 2025.

Me anë të këtij vendimi, KQZ ka caktuar kohën e saktë të fillimit dhe të mbarimit të një aktiviteti zgjedhor në kuadër të përgatitjeve për organizimin e zgjedhjeve për Kryetarë të Komunave dhe për Kuvende Komunale.

Partitë politike kanë afat deri më 23 qershor për t’i deklaruar koalicionet e tyre për zgjedhjet lokale.

Nga 26 qershori deri më 13 gusht partitë politike e kanë afatin për certifikim dhe dorëzimin e listave me emrat e kandidatëve.

Me 3 ose 4 shtator është planifikuar të hedhet shorti për renditjen e subjekteve politike në fletëvotim.

Ndërkohë, fushata zgjedhore që do të zgjasë një muaj do të fillojë nga 13 shtatori deri më 12 tetor, në ora 06: 59 minuta, një minutë para se të hapen Qendrat e Votimit në vend.

Periudha e aplikimit për regjistrimin e votuesve jashtë Kosovës për zgjedhjet lokale të 12 tetorit do të nisë më 23 korrik e do të zgjasë deri më 29 gusht.

Periudha e votimit përmes postës do të nisë më 17 shtator e do të zgjasë deri më 11 tetor.

Në tabelë shihen të gjitha afatet për të cilat vendosi KQZ-ja.

Tabela