Intervistimi i kryetarit të Listës Serbe, Zlatan Elek, nga ana e Prokurorisë Speciale, i paraparë të mbahej sot, është shtyrë për një datë tjetër.
Lajmin për Klankosova.tv e ka konfirmuar zëdhënësja e Prokurorisë Speciale të Kosovës, Arbnora Luta, e cila tha se intervistimi është shtyrë me kërkesë të mbrojtjes.
“Intervistmi i z.Elek është shtyrë me kërkesë të mbrojtjes për një datë tjetër, për arsye shëndetësore të avokatit të z.Elek”, tha Luta.
Kryetari i Listës Serbe është ftuar për intervistim në kuadër të hetimeve që Prokuroria Speciale po i zhvillon në rastin e vendosjes së barrikadave në veri të vendit në vitin 2022.
Elek, sipas Prokurorisë Speciale, akuzohet për veprat penale “pengim i personit zyrtar në kryerjen e detyrave zyrtare”, “thirrje për rezistencë” dhe “bashkimi për veprimtari kundërkushtetuese”.
Të tjera
Pamjet nga protesta në Hagë nuk më pëlqyen, mund të ndikojnë negativisht
Kurti mirëpret të rinjtë rajonalë për dialog dhe bashkëpunim për të ardhmen
Evropiani 2027 Shqipëri – Serbi, ky është veprimi i fundit i UEFA-s