Një lajm i mrekullueshëm erdhi sot nga Asambleja Parlamentare e Këshillit të Evropës (PACE), transmeton KosovaPost.
Miku i madh i Kosovës, politikani gjerman Knut Abraham, është zgjedhur nënkryetar i kësaj asambleje.
Abraham po ashtu është emëruar edhe kryetar i delegacionit gjerman në këtë institucion të rëndësishëm evropian.
Kjo u bë e ditur nga Faruk Ajeti, ambasador i Kosovës në Gjermani.
“Urime të përzemërta, Knut, për zgjedhjen tënde si Nënkryetar i Asamblesë Parlamentare të Këshillit të Evropës (PACE), si dhe për emërimin tënd si kryetar i delegacionit gjerman në PACE – delegacioni më i madh në këtë institucion të rëndësishëm”, ka shkruar Ajeti.
Emërimi i z. Abraham vjen si një njohje për angazhimin e tij të vazhdueshëm dhe profesionalizmin në përfaqësimin e interesave demokratike të shteteve anëtare.
Ai njihet gjithashtu si mik i vërtetë dhe përkrahës i Republikës së Kosovës në arenën ndërkombëtare.
Ky zhvillim përforcon edhe më shumë zërin demokratik brenda PACE dhe përfaqëson një hap pozitiv për bashkëpunimin parlamentar evropian.
Të tjera
Si ta stërvisni trurin tuaj për të luftuar stresin
Sapo mora një mesazh nga Moska, ky është reagimi i Presidentes
Tualetet publike janë vatra infeksioni; këto janë pozicionet e të ulurit që duhet të shmangni