Netanyahu helmohet nga ushqimi – do të punojë nga shtëpia për tri ditë

Kryeministri izraelit Benjamin Netanyahu po shërohet nga një helmim nga ushqimi.

Siç është bërë e ditur më tej, si pasojë, ai do të vazhdojë të kryejë detyrat e tij ndërsa pushon në shtëpi për tre ditët e ardhshme.

Netanyahu, 75 vjeç, u sëmur gjatë natës dhe u zbulua se vuante nga inflamacion i zorrëve dhe dehidratim, për të cilat po merr lëngje intravenoze, citohet të jetë thënë në një deklaratë.

“Në përputhje me udhëzimet e mjekëve të tij, kryeministri do të pushojë në shtëpi për tre ditët e ardhshme dhe do të menaxhojë punët e shtetit prej andej”, shtoi zyra e tij.

Netanyahut iu vendos një stimulues kardiak në vitin 2023 dhe dhjetorin e kaluar pati një intervenim në prostatë pasi u diagnostikua me një infeksion të traktit urinar.