U sulmua nga një peshkaqen – ndërron jetë aktori i “Pirates Of The Caribbean”

Një shpëtimtar i cili u shfaq në filmin e katërt të “Pirates Of The Caribbean” ka vdekur pasi u sulmua nga një peshkaqen në Oahu në Hawaii.

Tamayo Perry, 49 vjeç, i cili gjithashtu ka luajtur në filmat “Charlie’s Angels: Full Throttle” dhe “Blue Crush”, u sulmua pranë ishullit Goat të dielën pasdite.

Shërbimet e urgjencës mbërritën në vendngjarje në plazhin Malaekahana pak para orës 13:00 me orën lokale.

Ai u shfaq në “Pirates Of The Caribbean: On Stranger Tides”.

Personeli i Sigurisë së Oqeanit postoi paralajmërime për peshkaqenët në zonë pas sulmit.

Ushtruesi i detyrës së shefit të Sigurisë së Oqeanit në Honolulu, Kurt Lager tha se Perry ishte “një personazh i dashur nga të gjithë”.