Ambasadori i Republikës së Kosovës në Shtetet e Bashkuara, Ilir Dugolli, priti në ambasadë Zëvendësdrejtorin e sapoemëruar të Zyrës për Çështjet e Evropës Jugore Qendrore në Departamentin Amerikan të Shtetit dhe aktualisht Drejtor në Detyrë, Lyn Debevoise, transmeton KoaovaPoat.
“Ambasadori Dugolli e uroi z. Debevoise për detyrën e re dhe ritheksoi përkushtimin e Kosovës për forcimin e marrëdhënieve bilaterale në të gjitha fushat – nga dialogu politik dhe siguria, te zhvillimi ekonomik, shkëmbimet kulturore dhe arsimi”, njofton ambasada e Kosovës në SHBA .
Tutje në njoftim theksohet se të dyja palët nënvizuan rëndësinë e thellimit të bashkëpunimit për promovimin e stabilitetit rajonal, vlerave demokratike dhe mirëkuptimit të ndërsjellë, duke u mbështetur në miqësinë e qëndrueshme mes Kosovës dhe Shteteve të Bashkuara të Amerikës.
Të tjera
Gjërat që tregojnë që lidhja juaj do të zgjasë
Ushqimi që rinon trurin, me të paktën 10 vjet
Gjashtë vitaminat që shpesh i mungojnë organizmit