Deputetët e Listës Serbe kanë njoftuar se sot kanë dorëzuar një ankesë në Gjykatën Kushtetuese siç thonë ata, “për shkak të shkeljes së rëndë të të drejtave të popullit serb në seancat e Kuvendit në Prishtinë”.
“Parimet kushtetuese dhe demokratike janë shkelur rëndë, dhe popullit serb i është pamundësuar të ushtrojë të drejtat e tij të garantuara. Ne presim që Gjykata Kushtetuese të reagojë urgjentisht dhe të ndërmarrë të gjitha masat e nevojshme për mbrojtjen e sundimit të ligjit, si dhe të drejtave të popullit serb në përputhje me aktet ligjore në fuqi”, thuhet në njoftimin e partisë në rrjete sociale.
Lista Serbe thotë se mbetet e përkushtuar në luftën e saj për ruajtjen e të drejtave dhe interesave të popullit serb dhe do të vazhdojë të përdorë të gjitha mjetet ligjore dhe institucionale për të siguruar barazinë e plotë.
Të tjera
Opozita po e përdor Kushtetutën si armë politike për ta faktorizuar Listën Serbe
Shefja e Inteligjencës Kombëtare të SHBA-së zbulon aksidentalisht emrin e një agjente të fshehtë të CIA-s
Mesfushori i Shqipërisë Ylber Ramadani humb dy ndeshjet e shtatorit për probleme shëndetësore