370 të vr*arë në rrëshqitjen e tokës në Sudan, thotë OKB-ja

Një rrëshqitje dheu ka vrarë të paktën 370 persona në malet e largëta Marra në Sudanin perëndimor, tha një zyrtar i OKB-së për BBC-në.

Antoine Gérard, zëvendëskoordinatori humanitar i OKB-së për Sudanin, tha se ishte e vështirë të vlerësohej shkalla e incidentit ose numri i saktë i të vdekurve pasi zona ishte shumë e vështirë për t’u arritur, transmeton Klankosova.tv.

Lëvizja/Ushtria Çlirimtare e Sudanit (SLM/A), grupi i armatosur që kontrollon zonën e prekur, kishte thënë më parë se deri në 1 mijë persona mund të kishin vdekur.

Ditë të tëra shiu shkaktuan rrëshqitjen e dheut të dielën, e cila la vetëm një të mbijetuar dhe “rrafshoi” pjesën më të madhe të fshatit Tarseen, tha grupi në një deklaratë.