Putini është ndoshta krimineli më serioz i luftës i kohës sonë

Kancelari gjerman Friedrich Merz gjatë një interviste dhënë për Sat 1, ka deklaruar se presidenti rus Vladimir Putin është “ndoshta krimineli më serioz i luftës i kohës sonë”.

“Ai (Putini) është një kriminel lufte. Ai është ndoshta krimineli më serioz i luftës i kohës sonë, të cilin tani po e dëshmojmë në një shkallë të gjerë”, tha Merz.

Ai vuri në dukje se “ne jemi thjesht të detyruar të dimë qartë se si të merremi me kriminelët e luftës. Nuk ka vend për butësi këtu”, theksoi kancelari gjerman.

Merz, në takimin e Koalicionit të të Gatshmëve më 4 shtator, do të propozojë Gjenevën si vendin e negociatave për një armëpushim midis Ukrainës dhe Rusisë.

“Gjeneva do të ishte një vend i përshtatshëm për përfundimin e një marrëveshjeje armëpushimi. Garancitë e sigurisë do të luajnë një rol të caktuar”, tha Merz gjatë një konference të përbashkët për shtyp me presidenten zvicerane Karin Keller-Sutter.

Më parë, presidentja e Komisionit Evropian, Ursula von der Leyen deklaroi se presidenti rus Vladimir Putin është një grabitqar. Ai nuk do të ndalet te Ukraina dhe tashmë po sulmon vendet evropiane.