Kosovë spektakolare, pikët e plota mbetën në “Fadil Vokrri”

Kombëtarja e Kosovës ka arritur një fitore të rëndësishme 2:0 ndaj Suedisë në ndeshjen e grupit B kualifikues për Botërorin 2026 që njëherit është fitorja më madhe e në histori të Kombëtares Dardane.

Golat për Kosovën u shënuan në pjesën e parë nga Elvis Rexhbeçaj dhe Vedat Muriqi, duke rikthyer moralin pas humbjes së thëllë nga Zvicra.

Nën drejtimin e trajnerit Franco Foda, Kosova tregoi organizim të mirë dhe efektivitet në finalizim ku përpos golave u krijuan edhe disa raste tjera ideale, ndërsa Suedia e trajnerit Tomasson edhe pse e pati posedimin nuk arriti të reagojë duke u gjunjëzuar në “Fadil Vokrri”.

Kjo fitore i jep Kosovës një impuls të madh për ndeshjet e ardhshme dhe e bën grupin B më të hapur se kurrë. Pas dy ndeshjeve në grupin B, renditja është kjo: Zvicra kryeson me 6 pikë, Kosova ka 3 pikë, ndërsa Suedia dhe Sllovenia kanë nga 1 pikë secila.

The post Kosovë spektakolare, pikët e plota mbetën në “Fadil Vokrri” appeared first on Kosovapost.net.