“Kanë dështuar t’i mbrojnë çlirimtarët”, Tahiri: Deklarata e Pecit për protestat në Hagë naive dhe e papjekur

Ish-kryenegociatorja e Kosovës në dialogun me Serbinë, Edita Tahiri e cilëson naive dhe të papjekur deklaratën e ministrit në detyrë të Bujqësisë, Faton Peci, lidhur me procesin e gjykimit në Hagë dhe protestave që janë mbajtur atje në mbështetje të tyre.

Peci në Tëvë1 deklaroi se forma e organizimit të protestave mund të ketë efekt të kundërt ndaj procesit gjyqësor, që po zhvillohet ndaj ish-krerëve të UÇK-së.

Madje, tha se disa pamje nga protesta nuk i kanë lënë përshtypje pozitive.

Për këtë, Tahiri tha qeveria në detyrë është dashur t’i mbronin çlirimtarët e popullit të Kosovës.

“Deklaratë naive, e papjekur. Sepse, Gjykata Speciale është gjykatë e Kosovës, e votuar në parlament. Shteti i Kosovës e ka Ministrinë e Drejtësisë dhe kjo ministri u desh me ba çmos dhe maksimumin për të vepruar që kjo gjykatë speciale as të mos vonohet dhe të vendosë drejtësi. E di të nuk i kanë mbuluar shpenzimet, ka pas largim të avokatëve. Këto janë obligime shtetërore të Kosovës. Nuk i bëri as Ministria e Drejtësisë, as lidershipi politik. Qeveria duhet me veprue në mbrojtje të çlirimtarëve, të popullit të Kosovës”, deklaroi ajo në Tëvë1

Ndërkohë, potencoi se qeveritarët kanë dështuar në mbrojtjen e ish-krerëve të UÇK-së.

“Qeveritarët kanë dështuar në detyrën e tyre qeveritare dhe kombëtare, në mbrojtje të gjithë këta që janë sot në gjykatë”, deklaroi ajo.