Kapitull i ri në tregtinë ShBA-Kosovë, Ambasada: Kosovarët mund të marrin mallra amerikane vetëm brenda një jave

Ambasada e Shteteve të Bashkuara të Amerikës në Kosovë ka thënë se një kapitull i ri po fillon në tregtinë mes dy vendeve dhe se tani kosovarët mund të marrin mallra amerikane vetëm brenda një jave.

Ambasada e ka cilësuar këtë si një arritje të rëndësishme, që afron familjet kosovare me tregjet globale.

“Kjo arritje e rëndësishme nxjerr në pah forcën e bashkëpunimit të sektorit privat SHBA-Kosovë në afrimin e tregjeve globale me familjet kosovare”, thuhet në postimin e ambasadës.