Bota

Hamasi i shkruan letër Donald Trumpit

Posted on by botaelajmeve

Hamasi i ka dërguar një letër presidentit amerikan, Donald Trump, raporton televizioni “Fox News”, duke cituar një zyrtar të lartë të administratës së tij dhe një burim të përfshirë në bisedime.

Në letër thuhet se grupi palestinez ka kërkuar nga kreu i Shtëpisë së Bardhë që të garantojë një armëpushim 60-ditor në Gaza në këmbim të lirimit të gjysmës së pengjeve izraelite që Hamasi është duke i mbajtur.

Një burim i afërt me çështjen ia konfirmoi këtë raportim gazetës “The Times of Israel”.

Sipas raportit, letra tani për tani është duke u mbajtur nga Katari dhe do t’i jepet presidentit amerikan gjatë kësaj jave.

Katari i ka pezulluar përpjekjet e ndërmjetësimit për arritjen e një marrëveshjeje për lirimin e 48 pengjeve të mbetura në Gaza që nga koha kur Izraeli kreu një sulm në Doha më herët këtë muaj në përpjekje për t’i vrarë krerët e Hamasit.