Amir Rrahmani mund të jetë në formacion në ndeshje me Milanin

Në fitoren 3:2 të Napolit të hënën ndaj Pisas, kapiteni i Kosovës, Amir Rrahmani, qëndroi në bankën e rezervistëve.

Ai u përfshi në skuadër pas lëndimit që e pësoi me Kosovën.

“Fantacalcio” ka shkruar të martën se qendërmbrojtësi Rrahmani pritet të jetë startues ndaj Milanit.

Napoli të dielën luan në udhëtim te Milani, në ndeshjen e vlefshme për javën e pestë të Serie A.

Qendërmbrojtësi pësoi lëndim të lehtë të muskulit të këmbës gjatë ndeshjes Zvicër – Kosovë, e luajtur më 5 shtator në Basel.

31-vjeçari Rrahmani i mungoi kampionit në fuqi të Italisë edhe në dy ndeshjet e kaluara, ndaj Fiorentinas dhe ndaj Manchester Cityt.