Sakrifica e tij është nder i përhershëm për Kosovën

Kryetari i AAK-së, Ramush Haradinaj ka kujtuar sot “Heroin e Kosovës”, Afrim Bunjakun në përvjetorin e rënies së tij, përcjell KosovaPost.

Nëpërmjet një postimi në Facebook, Haradinaj thotë se Bunjaku ra heroikisht në mbrojtje të paqes, sigurisë dhe jetës së qytetarëve të Republikës së Kosovës.

“Sot kujtojmë trimërinë, vendosmërinë dhe sakrificën sublime të Afrim Bunjakut, i cili ra heroikisht në mbrojtje të paqes, sigurisë dhe jetës së qytetarëve të Republikës së Kosovës. Në përvjetorin e rënies, shpreh respektin e përjetshëm për sakrificën e Afrimit, që është një nder i përhershëm për Kosovën dhe të gjithë qytetarët e saj. Faleminderit për shërbimin ndaj atdheut!”, ka shkruar kreu i AAK-së.