Edhe 25 vjet pas transferimit te Real Madridi, tifozët e Barcelonës nuk e kanë falur Luis Figon, dhe ai e ndjeu këtë nga afër kur u shfaq mes tifozëve të klubit katalanas të mërkurën mbrëma.
Figo e ndoqi humbjen e Barcelonës nga Paris Saint Germain drejtpërdrejt nga tribuna VIP.
Parisienët treguan pse janë kampionë evropianë, sepse bënë një rikthim dhe mposhtën Barcelonën pavarësisht faktit se luajtën pa yjet më të mëdhenj.
Në prag të ndeshjes së madhe në stadiumin ‘Olimpic Lluis Companys’, dikur ylli i madh i futbollit botëror u shfaq në stolin VIP.
“Ai portugez, është bir ku**e”, ishte mesazhi që jehoi në gjithë stadiumin.
Gazetarja Laia Cervello Herrero, e cila ishte në vendngjarje, tha se fyerjet ishin “shurdhuese” dhe përsëriteshin çdo pesë minuta, të drejtuara ndaj ish-futbollistit të famshëm portugez.
Edhe pse Figo ishte një figurë kyçe për Barcelonën gjatë pesë viteve në të cilat bëri 249 paraqitje, ai “i dogji” të gjitha lidhjet me klubin duke u transferuar te Real Madridi në korrik të vitit 2000.
Të tjera
Osmani bisedon me Guerot për marrjen e detyrave nga kryetarët e rinj në Veri, i kërkon heqjen e masave ndaj Kosovës
5 gjërat që janë edhe më të rrezikshme sesa pirja e duhanit
Qeveria britanike ofron deri në 3000 paund për emigrantët shqiptarë që kthehen vullnetarisht në atdhe