Publikohet video: Konfirmohet identiteti i sulmuesit që vrau dy persona jashtë sinagogës së Mançesterit

Policia ka konfirmuar identitetin e sulmuesit që sulmoi një sinagogë në Mançester të enjten, duke vrarë dy persona dhe duke plagosur tre të tjerë.

Ai është identifikuar si 35-vjeçari Jihad Al-Shamie, një shtetas britanik me origjinë siriane, i cili u qëllua për vdekje nga policia në vendngjarje.

Sipas Policisë së Mançesterit të Madh (GMP), Al-Shamie fillimisht drejtoi makinën e tij drejt një grupi njerëzish jashtë sinagogës Hebraike të Kongregacionit Hebraik në Heaton Park dhe më pas goditi me thikë kalimtarët. Dëshmitarët thanë se ai u përpoq të hynte në sinagogë, por u ndalua nga sigurimi dhe besimtarët.