Aktuale, Lajme

Eksperti zbulon detaje rrëqethëse: Plumbi që vrau Liridonën u shtie nga afërsi prej 2 deri në 5 cm!

Posted on by botaelajmeve

​Seanca gjyqësore për vrasjen e Liridona Ademajt, dëshmon qiradhënësi i veturës

Në Gjykatën Themelore në Prishtinë ka vazhduar seanca gjyqësore ndaj Naim Murselit, Kushtrim Kokallës dhe Granit Plavës të akuzuar për vrasjen e Liridona Ademaj.

Në sesionin e paradites është dëgjuar eksperti i mjekësisë ligjore, Naim Uka i cili tha se e ndjera Liridona Ademaj u vra nga një distancë 2-5 centimetra.

Ndërsa, tani në pjesë e dytë të seancës se sotme do të dëgjohen Jeton Binaku Hasan Hasanaj dhe Naim Sadiku.

Seanca po vazhdon me dhënien e dëshmisë së Jeton Binakut, i cili ishte qiradhënësi i veturës.

Eksperti thotë se Liridona Ademaj u vra nga një distancë 2-5 centimetra

Gjatë dëshmisë së tij në seancën ndaj Naim Murselit, Kushtrim Kokallës dhe Granit Plavës, eksperti mjeko-ligjor Naim Uka i cili ka kryer autopsinë e tani të ndjerës Liridona Ademaj, tha se distanca e qitjes ka qenë 2-5 centimetra.

“Gjatë ekzaminimit të plagës hyrëse kemi konstatuar përreth vrimës hyrëse prezencën e faktorëve plotësues të qitjes, të cilët kanë shkaktuar edhe djegien lëkurore me prezencë të grimcave të barutit dhe në bazë të këtyre provave mjeko-ligjore është konstatuar se distanca e qitjes sillet prej 2 deri në 5 cm. Përjashtohet mundësia e vrasjes me puthitje apo gjysmëputhitje për shkak të mungesës së stampimit të tytës së armës në indet e buta përreth vrimës hyrëse të plagës”, tha Uka, raporton “Betimi për Drejtësi“.

Ai shtoi se plaga është përshkruar se ka formë trekëndëshe, e cila është shoqëruar me thyerje të shumëfishta.

“Në raste të ngjashme kur mungojnë të dhënat preliminare nga vendi i ngjarjes gjatë kryerjes së autopsisë, kryhen edhe ekzaminimet e detajuara të shuplakave të duarve të të ndjerit/ndjerës. Edhe në këtë rast kemi kryer ekzaminimin e dy duarve të të ndjerës, në mënyrë që bazuar në prezencën apo mungesën e faktorëve plotësues të qitjes dhe njollave të gjakut, është eliminuar mundësia që e njëjta të ketë përdorur ndonjë armë apo të ketë shkaktuar vetëvrasje”, tha ai.

Po ashtu, Uka theksoi se gjatë ekzaminimit të jashtëm trupor, është konstatuar gjakderdhja e mbledhur.

I akuzuari Naim Murseli tha se sipas Prokurorisë ai ka mbajtur tani të ndjerën për të mos iu shmangur plumbit. Për këtë, ai e pyeti ekspertin nëse edhe raporti i tij e thotë një gjë të tillë.

Eksperti tha se nuk paragjykojnë pozitën apo situatat të cilat kanë mundur të jenë në momentin e vrasjes së tani të ndjerës.

“Mjeku ligjor e ka obligim të bëjë përshkrimin e qartë të çdo dëmtimi trupor, duke përshkruar karakteristikat në bazë të të cilave bëhet interpretimi i provave mjeko-ligjore për prokurorin e shtetit në fazat e hetimit dhe për kolegjin e trupit gjykues në fazën e gjykimit”, tha ai.

Për këtë, Uka tha se ka mundur të shkaktohet deri në 3 orë para vdekjes.

Po ashtu, eksperti theksoi se nuk mund ta përjashtojë mundësinë e vetëlëndimit në tentativë për të ikur, por që kjo tha se nuk është detyrë e tij.

Seanca pritet të vazhdojë pasdite me dëgjimin e dëshmitarëve.

Mjeku ligjor jep dëshminë: Pjesë metalike të predhës u gjetën në kokën e Liridona Ademajt

Mjeku ligjor, Naim Uka, që ekzaminoi trupin e të ndjerës, Liridona Ademaj, po jep dëshminë e tij sot në seancën e cila nisi me 40 minuta vonesë për shkak të kompletimit të trupës gjykuese.

Uka tha para të pranishmëve, se pjesë metalike të predhës, viktimës i është gjetur në anën e majtë murore të kokës.

”Gjatë procedurës së mjekësisë, mjekoligjore është konstatuar vrima hyrëse në rajonin e djathtë muror të kokës, e shkaktuar nga veprimi dinamik i predhës së hedhur nga arma e zjarrit, e cila kishte drejtim nga djathtas majtas, nga përpara pjerrtas dhe pas, dhe nga poshtë pjerrtas lart”.

”Është e rëndësishme të ceket se pjesë metalike të kësaj predhe është gjetur në anën e majtë murore të kokës, e cila është dorëzuar si provë sipas zinxhirit të ruajtjes së provave të policisë hetuese”.

”Si rezultat i kësaj plage ka ardhur edhe gjakderdhja e brendshme dhe jashtme trurore, e cila është shkaku i vdekjes”.

Tutje ai tha se Liridona Ademaj, u vra në afërsi prej 2 deri në 5 centimetër nga dorasi.

”Gjatë ekzaminimit të plagës hyrëse, kemi konstatuar rreth vrimës hyrëse praninë e faktorëve plotësues të qitjes, të cilët kanë shkaktuar djegien e lëkurës me praninë e grimcave të barutit”.

”Në bazë të këtyre provave mjekoligjore është konstatuar se distanca e qitjes sillet nga 2-5 cm”.

​Nis seanca ndaj Naim Murselit dhe të akuzuarve të tjerë për vrasjen e Liridona Ademajt

Në Gjykatën Themelore në Prishtinë ka nisur seanca gjyqësore ndaj Naim Murselit, Granit Plavës dhe Kushtrim Kokallës – të akuzuar për përfshirje në vrasjen e Liridona Ademajt. Tashmë ka filluar të dëgjohet dëshmia e mjekut ligjor nga Instituti i Mjekësisë Ligjore, Naim Uka. Më pas do të dëgjohen edhe Jeton Binaku, Hasan Hasanaj dhe Naim Sadiku.

Në sallën e gjyqit tashmë kanë arritur të akuzuarit, ndërsa të pranishëm janë edhe familjarët e të ndjerës, Liridona Ademaj.

Ndërkaq, në seancën e fundit u dëgjuan ekspertët e psikiatrisë, të cilët kishin kryer ekzaminimin psikiatrik ndaj të akuzuarit Naim Murseli dhe Granit Plavës. Ekspertët deklaruan në sallën e gjyqit se nga ekzaminimi i bërë nuk janë konstatuar çrregullime të shëndetit mendor te Naim Murselit, as në formë të përhershme e as të përkohshme.

Liridona Ademaj u vra më 29 nëntor 2023, në fshatin Bërnicë në Prishtinë. Sipas Prokurorisë, ngjarja ishte inskenuar si grabitje dhe dyshohet se vrasja ishte e planifikuar, me Granit Plavën si ekzekutues dhe Naim Murselin si organizator.

Naim Murseli i prangosur, nën masa të rrepta sigurie futet në sallën e Gjykimit

Sot do të mbahet seanca e shqyrtimit gjyqësor ndaj Naim Murselit, Granit Plavës dhe Kushtrim Kokallës, të akuzuar për përfshirje në vrasjen e Liridona Ademajt.

Në këtë seancë pritet të dëgjohet raporti i autopsisë nga mjeku ligjor Naim Uka.

Ndryshe seanca e fundit u fokusua në dëgjimin e ekspertit të psikiatrisë, i cili kishte kryer ekzaminimin psikiatrik ndaj të akuzuarit Naim Murseli.

Liridona Ademaj u vra më 29 nëntor 2023, rreth orës 20:25, në rrugën “Dalip Alshiqi” në fshatin Bërnicë të Prishtinës.

Sipas Prokurorisë, ngjarja ishte inskenuar si grabitje dhe dyshohet se vrasja ishte e planifikuar, me Granit Plavën si ekzekutues dhe Naim Murselin si organizator.

Mbahet seanca ndaj të akuzuarve për vrasjen e Liridona Ademajt

Sot do të mbahet seanca e shqyrtimit gjyqësor ndaj Naim Murselit, Granit Plavës dhe Kushtrim Kokallës, të akuzuar për përfshirje në vrasjen e Liridona Ademajt.

Ndryshe seanca e fundit u fokusua në dëgjimin e ekspertit të psikiatrisë, i cili kishte kryer ekzaminimin psikiatrik ndaj të akuzuarit Naim Murseli.

Eksperti kishte deklaruar në sallën e gjyqit se nga ekzaminimi i bërë nuk janë konstatuar çrregullime të shëndetit mendor te Naim Murseli, as në formë të përhershme e as të përkohshme. Ai tha se analizat janë kryer përmes dokumenteve të lëndës, bisedave të drejtpërdrejta me të akuzuarin, si dhe përmes vëzhgimit të sjelljes së tij gjatë ekzaminimit.

Liridona Ademaj u vra më 29 nëntor 2023, rreth orës 20:25, në rrugën “Dalip Alshiqi” në fshatin Bërnicë të Prishtinës.

Sipas Prokurorisë, ngjarja ishte inskenuar si grabitje dhe dyshohet se vrasja ishte e planifikuar, me Granit Plavën si ekzekutues dhe Naim Murselin si organizator.