Çmimet e naftës rriten pasi OPEC+ njoftoi një rritje modeste mujore të prodhimit

Çmimet e naftës u rritën të hënën në mëngjes në Evropë, pasi grupi OPEC+ ra dakord vetëm për një rritje modeste të prodhimit mujor, duke zbutur frikën për një rritje më dramatike.

Pas takimit të së dielës, aleanca tha se do të rriste prodhimin e naftës me 137 mijë fuçi në ditë në nëntor, i njëjti total që njoftoi për tetorin.

Nafta bruto WTI u rrit me 1.31 për qind në 61.68 dollarë për fuçi rreth orës 8.15 CEST, ndërsa Brent u rrit me 1.22 për qind në 65.32 dollarë për fuçi.

Çmimet, megjithatë janë ende në rënie gjatë javës pas lajmeve për rritje të mundshme të prodhimit të OPEC+

Çmimet e naftës u tregtuan pranë nivelit më të ulët katërmujor të premten, raporton Euronews.

Konflikti ngriti shqetësime se Irani mund të bllokonte trafikun përmes Ngushticës së Hormuzit, një nga rrugët më të rëndësishme të transportit të naftës në botë.

OPEC+ ka rritur vazhdimisht prodhimin këtë vit, pasi njoftoi shkurtime në vitet 2023 dhe 2024, të cilat fillimisht duhej të hiqeshin gradualisht deri në shtator 2026.

Në një deklaratë të dielën, grupi OPEC+ vuri në dukje se vendimi për të rritur prodhimin u mor “duke pasur parasysh një perspektivë të qëndrueshme ekonomike globale dhe bazat aktuale të shëndetshme të tregut, siç pasqyrohen në inventarët e ulët të naftës”.

Megjithatë, një numër analistësh – përfshirë ata nga Agjencia Ndërkombëtare e Energjisë – mbeten të shqetësuar se furnizimet do të tejkalojnë kërkesën, pjesërisht për shkak të prodhimit të fortë nga Amerikat.

OPEC+ përbëhet nga 12 vende anëtare plus 10 jo-anëtare, me aktorë kryesorë që përfshijnë Arabinë Saudite dhe Rusinë.

Takimi i radhës është planifikuar për 2 nëntor.