Aktuale, Lajme

Rashiq serbëve që s’jetojnë në Kosovë: Mos ejani për të votuar Listën Serbe për 50 euro

Posted on by botaelajmeve

Koordinatorja e komiteteve në Lëvizjen Vetëvendosje, Dejona Mihali, ka reaguar ashpër ndaj partive opozitare, veçanërisht ndaj PDK-së dhe AAK-së, të cilat sipas saj, nuk e treguan guximin për t’u përballur me Listën Serbe gjatë seancës së sotme.

Në një postim të publikuar në rrjetet sociale, Mihali shkroi:

“Gjithë ditën gojën plot UÇK, Haga, komandatë, por aty ku dëshmohet kjo pra në Kuvend, nuk patën dorë me ngrit kundër Listës Serbe, as PDK as AAK. Këta jeni ju. Tradhtarë të vetes tuaj.”

Reagimi i saj vjen në një ditë kur u zgjodh nënkryetarët e Kuvendit, duke i hapur rrugë formimit të institucioneve të reja. Sipas Mihalit, qëndrimi i këtyre partive tregon një mungesë koherence mes retorikës patriotike dhe veprimeve konkrete në institucionet e vendit.

Rashiq tha se para se këto incizime të publikoheshin bashkëpunëtorët e tij janë kërcënuar nga një person i cili ka telefonuar me numër nga Serbia, duke i ftuar ata që të shkojnë në Beograd për bashkëpunim.

Pas refuzimit të tyre, Rashiq thotë se i njëjti person ka kërcënuar për publikime të disa materialeve.

Rashiq: Incizimet nuk janë të vërteta, janë të montuara – një person nga Serbia kërcënoi bashkëpunëtorët e mi

“Diku para dy muajve, saktësisht me 24 korrik të këtij viti një person nga Serbia i ka thirrur tre bashkëpunëtorët e mi të afërt. Ky person është paraqitur si punëtori i agjencionit informativ në Serbi. Ai u ka thënë atyre që për të mirën e tyre të vijnë në Beograd brenda dy ditëve, atë ditë ishte e enjte dhe takimi i Kuvendit ishte caktuar për të shtunën. Zëri me të cilin është drejtuar ishte kërcënues dhe urdhërues. Sigurish që asnjëri nga bashkëpunëtorët e mi nuk i është përgjigjur kësaj thirrje dhe pas kësaj rreth javës së parë të fillimit të gushtit, ky numër i njëjtë i ka dërguar bashkëpunëtorëve të mi një porosi duke u thënë ‘nuk keni dashur të bashkëpunoni tash do i shfaqim në publik disa gjëra rreth jush’. Kosova është e vogël të gjithë e kemi nga një mik të përbashkët, disa portale i kanë marrë disa nga këto incizime. Nuk e kam marrë këtë punë seriozisht ,por kam dëgjuar se nga gjysma e muajit gusht disa nga redaksitë i kanë marrë këto incizime. I kam lajmëruar menjëherë organet përgjegjëse për këtë gjë, nuk e kemi marrë seriozisht sepse nuk ka ndodhur asgjë. Mirëpo këto dhjetë ditë e fundit një portal i ka publikuar të ashtuquajturat incizime, absolutisht nuk janë të vërteta janë të montuara dhe është gënjeshtër. Nëse ju kujtohet në shkurt kemi pasur problemin e ngjashëm. E kemi lajmëruar edhe policinë dhe departamentin për krime kibernetike për këtë rast”, ka thënë ai.

Rashiq: Ne nuk i nënshtrohemi mendësisë diktatoriale të disa njerëzve që mundohen të na kontrollojnë

“Jam i vetdijshëm që kjo nuk do të ndaloj dhe do të vazhdojë edhe në të ardhmen pasi ne nuk i nënshtrohemi mendësisë diktatoriale të disa njerëzve që mundohen të na kontrollojnë”, shtoi ai.

Rashiq tha se rastin e ka paraqitur te organet kompetente, teksa për fund pati një lutje për qytetarët serb që kanë dokumente të Kosovës dhe nuk jetojnë këtu.

Ai u tha atyre që të mos korruptohen për para pasi siç thotë për ’50 euro’ do të vështirësohet jeta e tyre për katër vite.

Rashiq: Nëse vini të votoni Listën Serbe për 50 euro mos ejani fare

“Nëse mund ta them një porosi për bashkëqytetarët tanë, ata që për arsye të ndryshme nuk jetojnë më në Kosovë, por i kanë dokumentet e Kosovës u lutem, do të jem pak më i rreptë, por po them ‘mos ia shitni shpirtin shejtanit për 50 euro’. Ato 50 euro që ju i merrni do thotë katër vite të vështira për ne. Për atë arsye nëse vini të votoni Listën Serbe për 50 euro mos ejani fare. Përndryshe çdo ditë tjetër jeni të mirëseardhur të jeni miqtë e tanë dhe familjarët e të afërmit tanë. Gjithashtu ju presim me padurim të gjithë ata që doni të ktheheni në Kosovë, por iu lus mos ia shkatërroni jetën atyre që kanë dëshirë të jetojnë këtu dhe jetojnë këtu për arsye tjetër”, tha Rashiq.

Rashiq u zgjodh sot nënkryetar i Kuvendit të Kosovës me 71 vota për.