Ambasadori i ri gjerman Rainer Rudolph, u drejtohet qytetarëve të Kosovës me një mesazh

Gjermania ka emëruar zyrtarisht Rainer Rudolph si ambasadorin e saj të ri në Republikën e Kosovës, pas përfundimit të mandatit të ambasadorit Jorn Rohde.

Rudolph ka nisur mandatin e tij në Prishtinë, duke marrë përsipër forcimin e mëtejmë të marrëdhënieve dypalëshe ndërmjet Gjermanisë dhe Kosovës në fusha të ndryshme si ekonomia, sundimi i ligjit, zhvillimi demokratik dhe integrimi evropian.

Në një video-adresim për qytetarët e Kosovës ambasadori i ri gjerman shprehet se mezi pret që të njoh popullin kosovar.

Ai thotë se Kosova për gjermanët është një partner i rëndësishëm.

“Për neve gjermanët, Kosova është një mik i mirë dhe një partner i rëndësishëm. Ne jemi krenarë që mbështesim Kosovën, një komb i pavarur dhe sovran tash e një kohë”, ka deklaruar ambasadori i ri gjerman Rainer Rudolph.

Ambasada Gjermane në Kosovë ka shprehur entuziazmin për ardhjen e ambasadorit të ri, duke thënë:

” Jemi të emocionuar të prezantojmë Ambasadorin tonë të ri, Rainer Rudolph!”