Arabët të pakënaqur me kombëtaren që humbi nga Katari, hodhën edhe telefona e çelësa të kerreve

Fansat e Emirateve të Bashkuara Arabe kanë qenë të pakënaqur ndaj lojtarëve të kombëtares së tyre pasi pësoi gola nga Katari në kualifikimet për Botëror.

Disa fansa kanë hedhur në drejtim të lojtarëve edhe telefonat e tyre të mençur e çelësat e automjeteve.

Emiratet pësuan 2 me 1 nga Katari.

Rivaliteti politik është pasqyruar edhe në sport, veçanërisht në futboll, ku ndeshjet midis ekipeve kombëtare të Katarit dhe EBA kanë marrë një dimension tjetër që nga viti 2017.

Ka pasur incidente të tensionuara, si në ndeshjen gjysmëfinale të Kupës Aziatike 2019 në EBA, ku tifozët vendas hodhën objekte në fushë ndaj ekipit të Katarit.