Real Madrid ka vendosur të rikthejë në skuadër talentin argjentinas, Nico Paz, pas refuzimit të disa ofertave të majme nga klubet e Ligës Premier, të gatshme të paguanin deri në 70 milionë euro për shërbimet e tij.
Mesfushori ofensiv po kalon një sezon të shkëlqyer te Como, ku ka shfaqur rritje të dukshme nën drejtimin e stafit italian, por qëllimi i tij ka qenë gjithmonë i qartë: përgatitja për rikthimin në “Santiago Bernabeu”.
Sipas mediave spanjolle, Real Madrid dhe Como kanë rënë dakord që rikthimi i Paz të ndodhë verën e ardhshme, me një shumë simbolike rreth 10 milionë euro, si shenjë mirënjohjeje për zhvillimin që lojtari ka pasur në Itali.
Në Madrid janë të vendosur: “Nico Paz nuk ka çmim – është pjesë e së ardhmes së klubit”.
Argjentinasi ishte objekt i interesimit të madh nga Tottenhami, që ishin të gatshëm të paguanin mbi 50 milionë euro, por as Reali e as Como nuk e lejuan të largohet.
Të tjera
Meshkujt që nuk mund t’i bëjnë 10 pompa janë më të rrezikuar nga sëmundjet e zemrës
Krimi dhe politika: Zbulime nga vëllai i Dajakut për strukturat e financuara nga fondi i 3% të Bukoshit
Ushqimet që asesi nuk duhet t’i lani para gatimit