Roze

Pas ndarjes së bujshme, Jozi dhe e dashura rinisin marrëdhënien

Posted on by botaelajmeve

Lajmi se Jozi ishte ndarë nga e dashura e tij Xhoana u përhap me shpejtësi dhe jo pa arsye. Ndërkohë që këngëtari e kishte hequr bukuroshen nga “Instagram”-i i tij, kjo e fundit bënte postime me nëntekstin:” Nuk e di as vetë çfarë po ndodh”.

Kjo u interpretua si një krizë mes çiftit, madje u dyshua për ndarje. Por, mesa duket gjërat kanë ndryshuar. Ka qenë Xhoana, ajo që na e ka dhënë këtë indicie. Në një postim të bërë në “Instastory”, ajo ka ndarë një video të Jozit gjatë intervistës së tij në emisionin “n’Kosovë Show”, duke e shoqëruar me një emoji kurorë, që u pa si konfirmim i qartë se marrëdhënia e tyre vazhdon.

Sigurisht që gjërat mund të jenë rregulluar, ama çifti nuk e mohon dot që krizë ka pasur dhe madje jo e vogël. Lidhja e Jozit me Xhoanën ishte padyshim lajmi që mori vëmendjen e të gjithëve. Influecerja dhe këngëtari nisën të përfliteshin për një raport, kur u panë në shoqërinë e njëri-tjetrit. Burime pranë çiftit bëjnë me dije se njohja mes tyre ka nisur menjëherë pas daljes së Jozit nga BBVA.

Xhoana është parë në disa nga koncertet e tij, duke e mbështetur nga afër dhe ata janë fotografuar bashkë në ambiente të ndryshme publike. Gjatë intervistës, Ronaldo e pyeti Jozefinin për unazën e dasmës me Loredanën, ai u përgjigj me humor dhe pak mister: “Nuk e di ku ka mbetur. Ka mbetur diku me ndonjë cep, por duhet të interesohem që ta kthejmë të paktën tek vendi ose tek argjendaria”.

Pyetjes se nëse kanë shkëmbyer unaza, Jozi iu përgjigj shkurt: “Jo, por do marrë kohën e vet”. Këngëtari ndau me ndjekësit në “Instagram” një fotografi nga një ndeshje padeli, ku shihej përkrah një vajze megjithëse pa zbuluar fytyrën e saj.

Postimi i tij shoqërohej me mbishkrimin: “We /love Padel (Ne e duam Padelin)”, një detaj që në fillim mund të dukej i pafajshëm, por që mori menjëherë vëmendje nga ndjekësit e tij të shumtë. Publiku ka nisur të lidhet me këtë romancë të re të personazhit të njohur, i cili zakonisht ka qenë shumë diskret për jetën e tij private.

Historia e dashurisë me Loredanën, e cila nisi brenda shtëpisë më të famshme në Shqipëri, u komentua gjatë dhe mbetet ende temë diskutimi. E pas historisë së dështuar me Loredanën, duket se këngëtari po has sërish në probleme, këtë herë me të dashurën e tij të re.