Kurti “lut” deputetët t’ia votojnë Qeverinë për interes të shtetit

Kryeministri në detyrë, Albin Kurti në foltoren e Kuvendit të Kosovës, pati një “lutje” për deputetët të cilët i kishte përballë në seancën e sotme për formimin e Qeverisë “Kurti 3”.

Ai i ftoi të gjithë që ta votojnë Qeverinë, siç tha ai, jo për interes partiak, por për interes shtetëror.

“Ftoj secili deputet të votojë jo thjeshtë për interes partiak, por për interesin shtetëror, që t’i japim vendit qeverinë e re”, tha kryetari i Lëvizjes Vetëvendosje, njofton Klankosova.tv.