Komandanti i Forcës së Sigurisë së Kosovës (FSK), gjenerallejtënant Bashkim Jashari, ka pritur në takim komandantin e Misionit të NATO-s në Kosovë (KFOR), Gjeneral Major Ozkan Ulutas, transmeton Anadolu.
FSK njoftoi se në këtë takim gjenerali Jashari i shprehu mirëseardhje Ulutas dhe uroi për marrjen e detyrës së komandantit të KFOR-it.
“Gjatë takimit ata diskutuan për zhvillimet e fundit në Forcën e Sigurisë së Kosovës, duke përfshirë trajnimet, stërvitjet, sfidat, operacionet dhe aktivitetet e tjera të saj”, bëhet e ditur nga FSK.
Po ashtu, në takim u diskutua edhe për situatën aktuale të sigurisë në vend dhe rajon, si dhe për sfidat e përbashkëta me të cilat përballen.
Tutje u diskutua edhe për bashkëpunimin e deritanishëm midis FSK-së dhe KFOR-it duke u theksuar rëndësia e thellimit të këtij bashkëpunimi, i cili do të kontribuojë në forcimin e paqes dhe sigurisë si në Kosovë, ashtu edhe në rajon.
Të tjera
“Pronari i ChatGPT nënshkruan marrëveshje afro 40 miliardë dollarësh me Amazon”
“Xhaka: I lumtur të rikthehem në Premier Ligë, shpresoj të ndihmoj ekipin”
“Picula: Qëndrimi i KE-së ndaj Serbisë ka qenë padrejtësisht i butë”