Pacientët të cilët vuajnë nga ndonjë sëmundje koronare e zemrës janë në rrezik më të lartë për të pasur degradim të aftësive kognitive më vonë, tregon një studim i ri.
Studimi, i botuar në Journal of the American College of Cardiology, zbuloi se rezultatet në testet njohëse, duke përfshirë kujtesën verbale dhe orientimin e kohës janë dobësuar më shpejt, tek pacientët me një diagnozë të tillë.
“Tani po shohim më shumë çështje që lidhen me funksionin kognitiv nga sëmundjet e zemrës, teksa shumë njerëz jetojnë më gjatë dhe gjithashtu i nënshtrohen procedurave të zemrës, si dhe përdorin ilaçe” tha Dr. Neelum T. Aggarwal.
Autorët e studimit thonë se hulumtimet e mëparshme mbi këtë çështje kanë qenë shpesh të fokusuara në rolin e kushteve si sulmet në zemër dhe ndonjëherë kanë treguar rënie më të shpejtë në aftësitë njohëse më pas.
Por, studimi i ri gjeti një ndikim afatgjatë në tru, duke ndjekur të rriturit pa sulme për një mesatare prej 12 vjetësh.
Të tjera
Pse nuk duhet të debatoni nëse jeni të zemëruar
Ja pse iu dalin thinjat në moshë të re
Ulja e kalorive 15% zvogëlon rrezikun e vdekjes së hershme