Komisioni Qendror i Zgjedhjeve (KQZ) ka njoftuar se ka pranuar një sqarim zyrtar nga kompania CETIS, lidhur me gabimin e evidentuar në disa fletëvotime të zgjedhjeve lokale të mbajtura më 9 nëntor 2025, në komunat e Mitrovicë e Gjakovës.
Sipas njoftimit, pas pranimit të fotografive që tregonin gabimin, kompania CETIS ka zhvilluar një hetim të plotë të procesit të prodhimit dhe përgatitjes së të dhënave. Hetimi ka zbuluar se problemi kishte ndodhur vetëm në një nga katër kokat e printerit që shtypte numrin e vendvotimit. Për shkak se sistemi i kontrollit monitoron vetëm numrin serik (QR kodin), ky gabim nuk ishte detektuar gjatë procesit të shtypjes.
Kompania ka shprehur keqardhje të thellë për incidentin dhe ka konfirmuar gatishmërinë për të bashkëpunuar plotësisht me KQZ-në në hetimin dhe verifikimin e fletëvotimeve për të sqaruar rrethanat e rastit.
Në njoftim thuhet se përgjigjja zyrtare e kompanisë është bashkëngjitur në gjuhën angleze dhe në përkthim shqip.
Njoftimi i plotë:
Të tjera
Drita vazhdon ngritjen në Evropë, e tejkalon Ballkanin në renditjen e UEFA-s për klube
“Jam krenare për punën time” – Vjen reagimi Hajdarit pas ngritjes së aktakuzës për rezervat shtetërore
Bastisje brenda Speciales, kontrollohen të gjithë kompjuterët që përdori Thaçi